Brostnar vonir á Helgafelli

Eins og eflaust margir vita liggur Guðrún Ósvífusdóttir, ein fyrsta landnámskona Íslands grafin við Helgafell, sem staðsett er í næsta nágrenni Stykkishólms. Trúa menn því að ef maður gengur frá leiði Guðrúnar upp í byrgi sem staðsett er á Helgafelli án þess að líta til baka eða til hliðar og án þess að tala, horfi svo þaðan í austur og óski sér þá rætist hjá manni þrjár óskir. Þetta þótti börnunum að sjálfsögðu mjög merkilegt og tóku þetta mjög alvarlega og örkuðum við öll á fjallið án þess að segja orð eða líta til baka. Þegar í byrgið var komið litum við í austur, Tómas Orri spennti greipar mjög hátíðlegur á svip og stóð þannig góða stund. Þegar því var lokið leið varla ein mínúta áður en drengurinn brast í grát og sagði við mig "en mamma, óskin mín hefur ekki ræst" !!!!